Tramp qəzəbləndi: Putinlə fərqli davranmağın vaxtı gəldi

ABŞ Prezidenti Donald Trampın qəfil Rusiyaya qarşı yeni sanksiyalar tətbiq etməsi çoxlarını, hətta Ağ Evdə də təəccübləndirib.

Teleqraf xəbər verir ki, bu barədə CNN telekanalı bildirib.

“Bu, onun tədricən dərk etməsinin nəticəsidir ki, Vladimir Putinin Ukraynada müharibəyə son qoymaqla bağlı mövqeyi Alyaska sammitindən sonra əhəmiyyətli dərəcədə dəyişməyib”, – mənbə qeyd edib.

CNN-ə danışan Ağ Ev rəsmisinin sözlərinə görə, Donald Trampın fikrini kəskin şəkildə dəyişdirən konkret məqam olmayıb. Onun fikrincə, Vladimir Putinin müharibəni dayandırmaq istəmədiyinə dair təkrarlanan məyusluqlar ABŞ liderinin fikirlərinə təsir edib.

“Tramp aylardır müşavirlərinə bir gün Rusiyaya qarşı çox sərt addımlar atmağın vaxtının gəldiyinə necə qərar verəcəyini söyləyirdi. İndi isə prezident eyham vurub ki, instinktləri ona Putinlə fərqli istiqamətdə hərəkət etməyin vaxtı olduğunu deyir”, – kanalın həmsöhbəti vurğulayıb.

Polise.az