Tramp Rusiyanı sanksiyalarla hədələdi
ABŞ Prezidenti Donald Tramp Ukrayna ərazisinin atəşə tutulmasından sonra Rusiyanı bank sanksiyaları ilə hədələyib.
Teleqraf xəbər verir ki, Tramp bu barədə “Truth Social” sosial şəbəkəsində yazıb.
O bildirib ki, Rusiya Prezidenti Vladimir Putinin Ukraynaya raket atması üçün heç bir səbəb yoxdur.
“Bu, məni düşünməyə vadar edir ki, bəlkə o, müharibəni dayandırmaq istəmir… və onunla başqa cür, bank və ya ikinci dərəcəli sanksiyalarla mübarizə aparmaq lazımdır?” – Tramp yazıb.
