Trampın Qəzza planı ortaya çıxdı

ABŞ Prezidenti Donald Tramp Qəzzadakı müharibəni dayandırmaq üçün 21 maddədən ibarət plan hazırlayıb. 

Bu barədə İsrail mediası məlumat yayıb.

Plan BMT Baş Assambleyası çərçivəsində, o cümlədən Prezident Rəcəb Tayyib Ərdoğanın da qatıldığı görüşlərdə müzakirə olunub.

Planın əsas məqamları belədir:

– Bütün girovlar azad ediləcək;

– Qəzzada daimi atəşkəs elan olunacaq;

– İsrail mərhələli şəkildə Qəzzadan çıxacaq;

– Həmas hakimiyyəti sona çatdırılacaq, bölgə silahsızlaşdırılacaq;

– Yüksək vəzifəli Həmas üzvlərinə amnistiya və xaricə çıxış imkanı veriləcək;

– Ərəb ölkələrindən təhlükəsizlik qüvvələri bölgəyə yerləşdiriləcək;

– Fələstin Administrasiyası məhdud formada idarəetməyə cəlb olunacaq;

– İsrail, İordan çayının qərb sahilini ilhaq etməyəcəyinə zəmanət verəcək;

– Qəzza, ABŞ, Səudiyyə Ərəbistanı və BƏƏ-nin maliyyələşdirdiyi fond vasitəsilə yenidən qurulacaq.

Polise.az