Türkiyə ABŞ-la məsələni həll etməsə… – Xəbərdarlıq
Türkiyə ilə ABŞ arasında S-400-lə bağlı məsələ həll olunmadığı müddətcə ikitərəfli və beynəlxalq arenadakı qarşılıqlı problemlər müzakirə edilə bilməz.
Bu açıqlama ilə türkiyəli diplomat Faruq Loğoğlu çıxış edib.
S-400 məsələsinin ABŞ ilə danışıqlarda pəncərə rolunu oynadığını deyən keçmiş səfir ölkəsinin bu problemi həll etməsi üçün birtərəfli addım atmalı olduğunu vurğulayıb:
“Avropa Birliyi də Türkiyənin ABŞ-la olan əlaqələrini nəzərə alaraq qərar verəcək. Mart ayında keçiriləcək AB zirvəsinə qədər ABŞ ilə münasibətlər bərpa yoluna girməsə, AB-nin münasibəti də müsbət olmayacaq. Bundan sonra Şərqi Aralıq dənizi ilə bağlı da sanksiyalar gündəmə gətirilə bilər”.
