Türkiyə Cənubi Afrikanın Beynəlxalq Ədalət Məhkəməsindəki iddiasına qoşulmaq niyyətindədir
Türkiyə Cənubi Afrikanın İsrailə qarşı iddiasına qoşulmaq üçün avqustun 7-də Beynəlxalq Ədalət Məhkəməsinə müraciət edəcək.
“Report” xəbər verir ki, bu barədə Türkiyənin xarici işlər naziri Hakan Fidan Misirə ikigünlük səfəri çərçivəsində apardığı danışıqların yekununda bildirib.
Onun sözləri Türkiyə XİN-in “X” sosial şəbəkəsindəki səhifəsində yer alıb.
“İsraillə bağlı hazırladığımız dosyeni prosesdə iştirak etmək imkanı əldə etmək üçün çərşənbə günü Beynəlxalq Ədalət Məhkəməsinə göndərəcəyik”, – Fidan deyib.
Polise.az
