Türkiyə HƏMAS-ı ABŞ-la razılaşmaya sövq edir

“Qrup [HƏMAS] və onun rəhbərliyi müharibədən o qədər yorulub və müsəlman ölkələrinin, o cümlədən Qətər və Türkiyədən havadarlarının o qədər açıq təzyiqi ilə üzləşiblər ki, onlar [sövdələşməyə] razılaşa bilərlər”, – nəşr qeyd edir.

“The New York Times”ın yazdığına görə, qrupun ABŞ-ın təklifini qəbul edib-etməməsindən asılı olmayaraq, HƏMAS daha Qəzzada əvvəlki nüfuzunu bərpa edə bilməyəcək və anklavda nəzarəti itirəcək. Qəzet həmçinin hesab edir ki, razılaşmanın rədd edilməsi İsraillə davam edən münaqişədən ən çox əziyyət çəkən fələstinlilərin özləri arasında narazılığı artıra bilər.

Qəzet qeyd edir ki, “Bəzi qəzzalılar HƏMAS-ı öz siyasi sağ qalması üçün onların hesabına müharibə aparmaqda ittiham edirlər”.

Bundan əvvəl Axios məlumat vermişdi ki, Misir, Qətər və Türkiyə ABŞ-ın Qəzza zolağındakı vəziyyəti həll etmək üçün təklif etdiyi planla razılaşmaq üçün HƏMAS-a təzyiq edir.

Polise.az