Türkiyənin xarici işlər naziri ABŞ-ın Dövlət katibi ilə görüşüb

Türkiyənin xarici işlər naziri Hakan Fidan BMT-nin 78-ci Baş Assambleyası çərçivəsində Nyu-Yorkda ABŞ-ın Dövlət katibi Antoni Blinkenlə görüşüb.

Polise.az Anadolu Agentliyinə istinadla xəbər verir ki, diplomatik mənbələrdən əldə edilən məlumata görə, təxminən 45 dəqiqə davam edən görüş qapalı keçirilib.

Məlumat verilib ki, görüş zamanı iki ölkə arasında əlaqələrin daha yüksək səviyyəyə qaldırılması üçün gələcəkdə atılacaq konkret və konstruktiv addımlar ətrafında fikir mübadiləsi aparılıb.

Görüşdə, həmçinin Qara dəniz Taxıl Təşəbbüsü, İsveçin NATO-ya üzvlüyü və Qarabağdakı son vəziyyət müzakirə olunub.

Polise.az