ÜST-dən vaksinasiyanın məcburi olması ilə bağlı açıqlama
Ümumdünya Səhiyyə Təşkilatı (ÜST) vaksinasiyanın məcburi olması təklifinə münasibət bildirib.
Bu barədə TASS məlumat yayıb.
Təşkilatın rəsmi nümayəndəsi Fadela Şaib bəyan edib ki, ÜST peyvəndin məcburi olmasının lehinə çıxış etmir.
Onun sözlərinə görə, vaksin pandemiya əleyhinə ən mühüm vasitələrdən biri olsa da, bu, peyvəndin məcburi olması üçün səbəb deyil.
Təşkilat rəsmisi daha çox təbliğat işi və bütün ölkələrin vaksinlə təmin olunması üzərində çalışmağı tövsiyyə edib.
