Yəhudi dini hərəkatının nümayəndəsi öldürüldü

Birləşmiş Ərəb Əmirliklərində (BƏƏ) “Çabad” yəhudi dini hərəkatının nümayəndəsi Zvi Koqan öldürülüb, onun meyiti BƏƏ-nin təhlükəsizlik xidmətləri tərəfindən aşkar edilib.

Teleqraf.com xəbər verir ki, bu barədə İsrailin Baş naziri Binyamin Netanyahunun ofisi məlumat yayıb.

“BƏƏ-nin kəşfiyyat və təhlükəsizlik orqanları 2024-cü il noyabrın 21-də itkin düşən Zvi Koqanın cəsədini tapıblar. Zvi Koqanın qətli antisemitizm terrorunun cinayət əməlidir. İsrail Dövləti Onun ölümündə günahkar olanları məsuliyyətə cəlb etmək üçün bütün vasitələrdən istifadə edəcək”, – deyə xəbərdə qeyd olunur.

Xatırladaq ki, İsrailin Milli Təhlükəsizlik Şurası bu yaxınlarda ölkə vətəndaşlarını BƏƏ-də səyahət riskinin yüksək olduğu barədə xəbərdarlıq edib və bu ölkəyə vacib olmayan səfərlərdən çəkinməyə çağırmışdı.

Polise.az