Yeni ilin ilk günü Ukraynaya kütləvi hava hücumu olub, Kiyevdə ölənlər və xəsarət alanlar var

Yanvarın 1-də Rusiya kamikadze dronlarının Kiyevə hücumu nəticəsində iki nəfər həlak olub, azı 7 nəfər xəsarət alıb.

Polise.az  xəbər verir ki, bu barədə Kiyev şəhər Hərbi Administrasiyası məlumat yayıb: “Rusiya PUA-larının səhər hücumu nəticəsində Kiyevin Peçerski rayonunda yaşayış binasında dağıntıları təmizləmək üçün aparılan iş zamanı qadın cəsədi tapılıb. Xəsarət alanlar arasında iki hamilə qadın da var”.

Hazırda xilasetmə əməliyyatı davam edir.

Ukrayna Silahlı Qüvvələrinin Hərbi Hava Qüvvələrinin yaydığı məlumata görə, Yeni il gecəsi Rusiya dörd istiqamətdən 111 pilotsuz təyyarə ilə Ukraynaya hücum edib. Hava hücumundan müdafiə onların əksəriyyətini vurub.

“Şahed” tipli 63 PUA-nın və digər pilotsuz uçan aparatların vurulduğu təsdiqlənib”,-deyə məlumatda bildirilir.

Hava hücumundan müdafiə sistemi Poltava, Sumı, Kiyev, Çerniqov, Cherkasi, Zaporojye, Jitomir, Xmelnitski, Kirovoqrad və Nikolaev vilayətlərində fəaliyyət göstərib.

Bundan əlavə, Müdafiə Qüvvələrinin fəal müqaviməti nəticəsində Rusiyanın 46 simulyator pilotsuz uçan aparatı itirilib.

Polise.az