Zaqatalada yol polisləri xanım sürücüləri təbrik ediblər
Zaqatalada yol polisi əməkdaşları 8 Mart-Beynəlxalq Qadınlar Günü münasibətilə xanım sürücü və piyadaları təbrik ediblər.
DİN-in Mətbuat Xidmətinin Şəki regional qrupundan polise.az-a verilən məlumata görə, şəhərin küçə və prospektlərində,xüsusilə də mərkəzi yollarda sükan arxasında olan 30-a yaxın qadın sürücü saxlanılıb. Polis əməkdaşları həmin sürücüləri, eləcə də nəqliyyat vasitəsində olan digər zərif cinsin nümayəndələrini, azyaşlıları təbrik edərək onlara gül və müxtəlif hədiyyələr veriblər.
Keçirilən tədbir zamanı xanım piyadalar da diqqətdən kənarda qalmayıb. Asayiş keşikçiləri onları da bayram münasibətilə çiçək və müxtəlif hədiyyələrlə təbrik ediblər.
