Zelenski Brüsselə çağırıldı: Nələr danışılacaq?
Almaniya, Fransa, Polşa, İtaliya, Böyük Britaniyanın dövlət başçıları, həmçinin NATO və Aİ liderləri Ukrayna prezidenti Vladimir Zelenskini gələn həftənin üçüncü günü Brüsseldə görüşə dəvət ediblər.
Musavat.com xəbər verir ki, məlumatı Reuters mənbələrə istinadən yayıb.
Agentliyin məlumatına görə, görüşdə Ukraynaya yardım məsələsi müzakirə olunacaq: “Bu, konkret qərarların qəbul ediləcəyi bir görüş olmayacaq, əksinə, qarşıdakı həftələr və aylar davam edəcək qarşıdurma ilə bağlı siyasi müzakirə olacaq”.
NATO-nun baş katibi Mark Ruttenin ev sahibliyi edəcəyi tədbir liderlərin Brüsseldə keçiriləcək Aİ-Qərbi Balkan sammitinə toplaşdığı gün baş tutacaq. Buraya Zelenski ilə birgə görüş və bir sıra ikitərəfli görüşlər daxildir.
Bundan əvvəl Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas bildirmişdi ki, Aİ-yə üzv ölkələrin xarici işlər nazirləri qarşıdakı görüşdə Rusiya prezidenti Vladimir Putinlə region liderləri arasında ikitərəfli danışıqların aparılmasının mümkünlüyünü müzakirə edəcəklər.
Polise.az
