Ağsuda 6 gün öncə avtomobil qəzasında xəsarət alan azyaşlı ölüb
Ağsuda 6 gün öncə avtomobil qəzasında xəsarət alan 2 yaşlı uşaq ölüb.
Polise.az xəbər verir ki, hadisə Ağsu-Kürdəmir- Bəhramtəpə yolunun Ağsu rayonu, Növcü kəndindən keçən hissəsində qeydə alınıb.
Kürdəmir rayon sakini Mustafayev Rəşad İlham oğlu özünə məxsus “VAZ 2106” markalı avtomobillə 26 iyul tarixində qarşısına iribuynuzlu heyvan çıxdığına görə qəza törədib, nəticədə Rəşad Mustafayevin oğlu 2022-ci il təvəllüdlü Mustafayev Mehrac ağır yaralanıb. İki yaşlı uşaq xəstəxanada həkimlərin göstərdikləri yardımlara baxmayaraq dünən ölüb.
Fakt araşdırılır.
Polise.az
