Kobaxidze: Aİ-yə üzvlüklə bağlı danışıqlara başlamaq Gürcüstan üçün vacib deyil
Gürcüstan hakimiyyəti üçün Aİ-yə üzvlüklə bağlı danışıqlara nə vaxt başlaması vacib deyil.
Polise.az gürcü mətbuatına istinadən verdiyi məlumata görə, bunu Gürcüstanın Baş naziri İrakli Kobaxidze brifinqdə deyib.
Kobaxidze Aİ ilə danışıqların başlama tarixi barədə deyib: “Bu, bizim üçün əsas deyil”.
O xatırladıb ki, 2022-ci ilin iyununda ölkəyə Aİ-yə üzv olmaq üçün namizəd statusu verilməyib, Gürcüstan onu bir ildən sonra əldə edib.
Polise.az
