Antonio Quterreş COP29-un nəticəsi ilə bağlı paylaşım edib

BMT-nin baş katibi Antonio Quterreş “X” hesabında COP29-un nəticəsi ilə bağlı paylaşım edib.

Polise.az xəbər verir ki, baş katib razılığın əldə olunmasının 1,5 dərəcəlik qlobal iqlim hədəfinə nail olunması istiqamətində mühüm addım kimi dəyərləndirib.

Bununla belə o daha iddialı qərarlar gözlədiyini qeyd edib:

“Mən həm maliyyə, həm də iqlim dəyişikliyinin təsirlərinin yumşaldılması ilə bağlı daha iddialı qərarların veriləcəyini gözləyirdim.

Verilən qərarlar vaxtında və tam həcmdə yerinə yetirilməlidir.

Mən bütün hökumətləri buna çağırıram” – BMT-nin rəhbəri yazıb.

Polise.az