Hakan Fidandan ABŞ-yə təpki: Bu, sizə baha başa gələ bilər

Türkiyə xarici işlər naziri Hakan Fidan ABŞ-nin İsraillə bağlı siyasətini tənqid edib.

Polise.az  xəbər verir ki, o, bu barədə “Əl-Cəzirə” telekanalına müsahibəsində bildirib.

Fidanın sözlərinə görə, ABŞ İsraili bütün digər ölkələrlə münasibətlərindən üstün tutur.

“Belə bir yanaşma ABŞ-nin regionda təsir və mövqelərini itirməsi bahasına başa gələ bilər və bu, təkcə regiondakı tərəfdaşları üçün deyil, həm də ABŞ-nin özü üçün çətinliklər yaradıb”, – o əlavə edib.

Fidan qeyd edib ki, Türkiyə İsrailin hərəkətləri nəticəsində mülki əhali arasında itkilər, onun regionda genişlənmə siyasətinin yaratdığı təhdidlər və ABŞ-nin rəhbərlik etdiyi beynəlxalq sistemi çöküş həddinə çatdırması barədə Amerika tərəfini məlumatlandırmaqda davam edir:

“Həmçinin Amerika siyasi sistemində qətiyyətli fəaliyyətə mane olan struktur məhdudiyyətlərini də etiraf etməliyik”.

Polise.az