Bu gün Stokholmda 125-ci Nobel ziyafəti keçiriləcək

Bu gün Nobel mükafatlarının laureatlara təqdimetmə mərasimindən sonra, ənənəvi olaraq Stokholm meriyasının Mavi zalında 125-ci Nobel ziyafəti keçiriləcək.

Təntənəli şam yeməyi bir daha kral ailəsi, nazirlər, diplomatlar və əlbəttə ki, Nobel mükafatı laureatlarını bir araya gətirəcək.

Polise.az xəbər verir ki, bu il menyuya görə iki Mişlen ulduzlu Aira restoranının aşpazları Pi Le və Tommi Müllümyaki məsuliyyət daşıyırlar. Deserti üç dəfə “şirniyyatçıların şirniyyatçısı” kimi tanınan və eyni zamanda, ötənilki ziyafətdə desertlərə cavabdeh olan məşhur şirniyyatçı Frida Bekke hazırlayır. Menyu ənənəvi olaraq gizli saxlanılır, lakin məlumdur ki, ağ göbələklər də təqdim olunacaq.

Həmişə olduğu kimi, xüsusi diqqət kral cütlüyünün masasına yönəldilib. Kral XVI Karl Qustavın yanında Nobel Fondunun İdarə Heyətinin sədri Astrid Söderberq Viddinq, Kraliça Silviyanın yanında isə Karolina İnstitutunun Nobel Assambleyasının katibi Tomas Perlmann əyləşəcək.

Şahzadə Madlen və Vəliəhd Şahzadə Viktoriya tibb və kimya üzrə Nobel mükafatı laureatlarının yanında əyləşəcəklər. Ədəbiyyat üzrə Nobel laureatı Laslo Krasnahorkai isə Almaniyanın keçmiş kansleri Angela Merkelin yanında əyləşəcək.

Fəxri masa arxasında hakim koalisiyadakı bütün partiyaların nazirləri də əyləşəcəklər.

Polise.az