Dövlət Sərhəd Xidmətinin döyüş bayraqlarının təsvirində dəyişiklik edildi
Azərbaycan Respublikası Dövlət Sərhəd Xidmətinin döyüş bayraqları ilə bağlı təsvirlərdə dəyişiklik edilib.
Polise.az xəbər verir ki, bununla bağlı Prezident İlham Əliyev Fərman imzalayıb.
Fərman Azərbaycan Respublikası Prezidentinin 2018-ci il 4 oktyabr tarixli 283 nömrəli Fərmanı ilə təsdiq edilmiş “Azərbaycan Respublikası Dövlət Sərhəd Xidmətinin döyüş bayraqlarının təsviri” sənədinə dəyişiklikləri nəzərdə tutur.
Sənədə əsasən, təsvirlərə yeni 5.7-1-ci bənd əlavə olunub. Həmin bənddə Çevik Hərəkət Qüvvələri hərbi hissəsinin döyüş bayrağında aşağıdakı yazının əks olunması müəyyən edilib:
“Dövlət Sərhəd Xidməti Çevik Hərəkət Qüvvələri 0000 (hərbi hissənin nömrəsi) saylı hərbi hissə”.
Bundan əlavə, sənədə 8-1 nömrəli şəkil də əlavə edilib.
Polise.az
