Rusiya Avropaya XƏBƏRDARLIQ Etdi
Rusiyada modernləşdirilmiş “İskəndər-M” raketinin ilk dəfə 800 kilometrədək məsafəyə buraxıldığı iddia olunur. Lakin Ukrayna hərbçiləri bu ad altında digər növ ballistik silahların da istifadə edilmiş ola biləcəyini istisna etmirlər.
Musavat.com xəbər verir ki, bu barədə “RBK-Ukrayna” pilotsuz sistemlər qüvvələrinin 413-cü “Reyd” alayının “X” sosial şəbəkəsindəki paylaşımına istinadla məlumat yayıb.
Versiyalardan birinə görə, söhbət həqiqətən də daha təhlükəli sayılan təkmilləşdirilmiş “İskəndər-M” variantından gedə bilər.
Alternativ izah isə Rusiyanın Şimali Koreya istehsalı olan KN-23 ballistik raketlərindən maksimum istifadə etməyə çalışması ilə bağlıdır.
Xatırladaq ki, Rusiya mediası hələ 2024-cü ilin iyulundan “İskəndər-1000” kompleksi barədə danışmağa başlayıb. Yayımlanan görüntülərin müqayisəsi isə raketlərin standart “İskəndər-M”dən fərqli olduğunu göstərib.
Ukraynanın ixtisaslaşmış media qurumları 2025-ci ilin noyabrında Rusiya raket proqramına dair sənədlər barədə məlumat yayaraq, hər biri təxminən 2,5 milyon dollar dəyərində olan 18 ədəd 9M723-2 ballistik raketin alınmasının planlaşdırıldığını bildirib.
“Güman etmək olar ki, söhbət məhz “İskəndər-1000” üçün nəzərdə tutulan bu raketlərdən gedir və Rusiya onları indi epizodik şəkildə tətbiq edə bilər”, – deyə 413-cü alay qeyd edib.
Hərbçilərin diqqətinə görə, KN-23 raketləri şərti olaraq Şimali Koreya istehsalı sayılır. Çünki onlar Rusiya texnologiyaları və materialları əsasında hazırlanır.
Məlumata əsasən, 2023-cü ildə keçirilən sınaqlar zamanı bu raketlərin uçuş məsafəsi 900 kilometrədək çatıb ki, bu da onların maksimal məsafədə istifadəsini mümkün edir.
413-cü alay vurğulayıb ki, Rusiya operativ-taktiki raketlərin tətbiq məsafəsini 1000 kilometrədək artırmaq istiqamətində sistemli şəkildə irəliləyir. Bu səbəbdən raket təhlükəsi siqnallarına ciddi yanaşmağa çağırış edilib.
Qeyd edək ki, Rusiya rejimi “kölgə donanması”na aid tankerlərdən təkcə beynəlxalq sanksiyalardan yayınmaq üçün deyil, həm də Avropa ölkələrinə qarşı kəşfiyyat və casusluq məqsədləri ilə istifadə edir.
Bundan əlavə, Rusiya Mərkəzi Bankı Avropa İttifaqında dondurulmuş Rusiya aktivlərinin Ukraynaya dəstək üçün istifadə ediləcəyi təqdirdə məhkəmə çəkişmələri və müsadirələr barədə xəbərdarlıq edib. Bu mövqe Avropa ölkələrinə yönəlmiş yeni təhdidlər kimi qiymətləndirilir.
Polise.az
