Uşaqlar barəsində yeni dövlət siyasəti müəyyən edilir

Uşaqlar barəsində yeni dövlət siyasəti müəyyən edilir

Polise.az Teleqraf-a istinadəmn  xəbər verir ki, yeni qanun layihəsi Milli Məclisin bu gün keçirilən iclasında müzakirəyə çıxarılıb.

Qanun layihəsinə əsasən, uşaqlar barəsində dövlət siyasətinin məqsədləri aşağıdakı kimidir:

– uşaqların hüquq və azadlıqlarının təmin edilməsi, uşaq hüquqlarının təminatının hüquqi əsaslarının formalaşdırılması;

– uşaqların hüquq və azadlıqlarının müdafiəsi üçün institusional mexanizmlərin yaradılması, onların pozulmuş hüquqlarının bərpası;

– uşaqlara qarşı ayrı-seçkiliyə yol verilməməsi və bütün uşaqlar üçün bərabər imkanların yaradılması;

– çətin həyat şəraitində olan uşaqların sosial müdafiəsi;

– uşaqların fiziki, əqli, mənəvi və əxlaqi inkişafı, onların vətənpərvərlik, vətəndaşlıq, sülhpərvərlik, milli adət və ənənələrə hörmət ruhunda tərbiyə olunması;

– uşaqlarda hüquq mədəniyyətinin formalaşdırılması;

– uşaqların sağlamlığına və inkişafına zərər vuran məlumatlardan qorunması.

Müzakirələrdən sonra məsələ səsverməyə qoyularaq birinci oxunuşda qəbul edilib.

Polise.az