Azərbaycan və Ermənistan arasında qarşılıqlı səfərlər davam edəcək
Ermənistan və Azərbaycanın vətəndaş cəmiyyətinin nümayəndələrinin səfərləri qarşılıqlı xarakter daşıyır.
Teleqraf xəbər verir ki, Ermənistan parlamentindəki hakim “Vətəndaş Müqaviləsi” fraksiyasının katibi Artur Ovannisyan bildirib.
O qeyd edib ki, bu səfərlər sülh mühitinin möhkəmləndirilməsinə yönəlib:
“Ermənistan və Azərbaycanın vətəndaş cəmiyyətinin nümayəndələrinin görüşləri müntəzəm xarakter daşıyacaq. Bu çərçivədə görüşlər həm Ermənistan, həm də Azərbaycanda keçiriləcək”.
Xatırladaq ki, Ermənistan və Azərbaycan arasında Tavuş-Qazax hissəsində sərhədin delimitasiyasından sonra ilk dəfə olaraq, fevralın 13-də Azərbaycan vətəndaş cəmiyyətinin 19 nümayəndəsi quru yolu ilə Ermənistana səfər edib. Azərbaycan nümayəndələri iki gün Ermənistanda davam edən müzakirələrə qatılıblar.
Polise.az
