Rusiya İrana kəşfiyyat məlumatları verir – ABŞ gəmilərinin yerini deyir

Moskva Tehrana bölgədəki ABŞ qoşunlarına hücumlar üçün kəşfiyyat məlumatları ilə kömək edir.

Musavat.com xarici mediaya istinadla xəbər verir ki, Rusiya İrana ABŞ hərbi gəmilərinin və təyyarələrinin şübhəli yerləri də daxil olmaqla, hücumların planlaşdırılmasında istifadə edilə biləcək məlumatlar verib.

“Bu, kifayət qədər genişmiqyaslı bir əməliyyat kimi görünür”, – deyə “Vaşinqton Post” nəşrinin mənbələrindən biri bildirib.

Bildirilir ki, İranın cəmi bir neçə hərbi peyki var və öz peyk qruplaşması yoxdur, buna görə də məlumatların toplanması üçün xarici dəstək onun imkanlarını əhəmiyyətli dərəcədə artırır.

Rusiya və Çinin iştirakını şərh edən ABŞ müdafiə naziri Hegset bu yaxınlarda bildirib: “Onlar burada heç bir rol oynamırlar”. Lakin qəzetin məlumatına görə, Çindən hələlik heç bir kömək əlaməti aşkar edilməyib.

Ekspertlər həmçinin qeyd edirlər ki, ötən yay İsraillə 12 günlük müharibədən sonra İranın zərbələrinin dəqiqliyi və onların hava hücumundan müdafiə sistemlərinə nüfuz etmə qabiliyyəti xeyli yaxşılaşıb.

Eyni zamanda, məqalədə vurğulanır ki, Pentaqon dəqiq idarə olunan sursat və hava hücumundan müdafiə sistemləri ehtiyatlarını sürətlə tükəndirir.

Polise.az