Türkmənistan və TÜRKSOY 2026-cı il üçün planları müzakirə edib
Türkmənistan xarici işlər naziri Rəşid Meredov Aşqabadda Beynəlxalq Türk Mədəniyyəti Təşkilatının (TÜRKSOY) baş katibi Sultan Rayevlə görüşüb.
Polise.az Teleqraf-a istinadən xəbər verir ki, bu barədə Türkmənistan Xarici İşlər Nazirliyinin mətbuat xidməti məlumat yayıb.
Görüşdə 2026-cı il üçün Birgə İş Planının icrası və Türkmənistanın təşkilatla gələcək əməkdaşlığı perspektivləri müzakirə olunub.
Nazir TÜRKSOY-un türkmən mədəni irsinin beynəlxalq səviyyədə təbliğinə verdiyi töhfəni yüksək qiymətləndirib.
Danışıqların yekununda tərəflər birgə mədəni və humanitar təşəbbüslərin təşkilata üzv ölkələrin xalqlarını bir-birinə yaxınlaşdırmaqla yanaşı, həm də geniş dövlətlərarası dialoqun gücləndirilməsinə xidmət etdiyini təsdiqləyiblər.
Polise.az
