Bakıda AQEM-in VII sammitinin rəsmi açılış mərasimi keçirilir – YENİLƏNDİ
Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 7-ci Zirvə Toplantısı keçirilir.
Polise.az xəbər verir ki, Azərbaycan Respublikasının Prezidenti İlham Əliyev tədbirdə iştirak edən dövlət və hökumət başçılarını qarşılayıb.
***
11:29
Bakıda Azərbaycanın sədrliyi ilə Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII sammiti keçirilir.
Polise.az xəbər verir ki, hazırda sammitin rəsmi açılış mərasimi keçirilir.
Azərbaycan Prezidenti İlham Əliyev sammitdə iştirak edən ölkələrin liderlərini qarşılamağa başlayıb.
Qeyd edək ki, Azərbaycan 2024-cü ilin dekabrında AQEM-ə sədrliyə başlayıb. Sədrlik çərçivəsində regional sabitlik, təhlükəsizlik və dayanıqlı inkişaf baxımından prioritet əhəmiyyət daşıyan məsələlərə xüsusi diqqət yetirilir. Bu, AQEM-in üzv dövlətlər, region və çoxtərəfli əməkdaşlıq sistemi üçün aktuallığının və rolunun daha da gücləndirilməsinə xidmət edir.
Xatırladaq ki, Asiya qitəsinin 90 faizini əhatə edən və 28 üzv dövləti birləşdirən AQEM üzvlərinin sayına görə Asiyanın ən böyük dialoq platformasıdır.
