Paşinyan Putini Fransanın prezidenti adlandırdı
Ermənistanın Baş naziri Nikol Paşinyan yenə özünü biabır edib. Belə ki, o, Parlamentdə Qarabağ münaqişəsi barədə danışarkən Rusiyanın dövlət başçısı Vladimir Putini Fransa prezidenti adlandırıb.
Bu barədə “RİA Novosti” xəbər yayıb.
Paşinyan çıxışı zamanı 2020-ci ilin payızında Qarabağda atəşkəsə dair razılaşmaların təfərrüatlarına toxunarkən belə deyib:
“ABŞ Prezidenti Donald Tramp, Fransa Prezidenti Emmanuel Makron və Fransa Prezidenti Vladimir Putinin oktyabrın 1-də verdiyi açıqlamaya uyğun olaraq… “
Yenidən gülüş hədəfinə çevrilən Ermənistanın Baş nazirinin bu çıxışının görüntüləri sosial şəbəkələrdə virus sürəti ilə yayılıb.
