Qusarda COVID-19 xəstələri müalicəyə təyin edildiyi yerdən kənarda aşkarlandılar
DİN-in Mətbuat Xidmətinin Quba regional qrupundan polise.az-a verilən məlumata görə, Qusar rayon sakinləri Yavər Bağırov, Ramin Fətəliyev və Camal Ağabəyov COVID-19 testlərinin nəticələri pozitiv olduğu üçün ev şəraitində müalicə təyin edilmələrinə baxmayaraq yaşadıqları ünvanları tərk etdikləri müəyyən olunub. Rayon Polis Şöbəsinin əməkdaşları həmin şəxslərlə profilaktik söhbətlər aparıblar və yaşadıqları ünvanlara geri qaytarılıblar.
Faktlarla bağlı RPŞ-də araşdırma aparılır.
