Bakıda ana və iki azyaşlı övladını qarət məqsədi ilə öldürən cani tutuldu
Bakıda ana və 2 azyaşlı övladını qətlə yetirən şəxs tutulub. Daxili İşlər Nazirliyinin Mətbuat xidmətinin rəisi, polis polkovnik Ehsan Zahidov olaraq bildirib ki, həmin hadisədən dərhal sonra cinayəti törədən şəxsin müəyyən edilib istintaqa təqdim edilməsi üçün polis əməkdaşları tərəfindən intensiv əməliyyat-axtarış tədbirləri həyata keçirilib:
“Həyata keçirilən tədbirlər nəticəsində cinayəti törətməkdə şübhəli bilinən 1981-ci il təvəllüdlü Əhəd Əliyev az öncə saxlanılıb. İlkin məlumata görə, qətlə yetirilən Gülnar Qaraxanovanın bacısının əri olan Əhəd Əliyev cinayəti tamah məqsədi ilə törədib. Həmin şəxsin evdən apardığı pulun bir hissəsi olan 20 min manat da ondan dəlil kimi aşkar edilərək götürülüb”.
◀▶
