Azərbaycanla Səudiyyə Ərəbistanı arasında ekoloji sahədə əməkdaşlığın perspektivləri müzakirə olunub

Səudiyyə Ərəbistanı Krallığının ölkəmizdə yeni təyin olunmuş fövqəladə və səlahiyyətli səfiri İssam bin Saleh əl-Cuteyli ilə ekologiya və təbii sərvətlər naziri Muxtar Babayev arasında görüş keçirilib.

Ekologiya və Təbii Sərvətlər Nazirliyinin mətbuat xidmətindən  Polise.az -a verilən məlumata görə, görüş zamanı Azərbaycan və Səudiyyə Ərəbistanı Krallığı arasında ətraf mühitin mühafizəsi sahəsində əməkdaşlığın perspektivləri müzakirə olunub və qarşılıqlı maraq doğuran məsələlər ətrafında fikir mübadiləsi aparılıb.