Mövlud Çavuşoğlu Zəfər Günü ilə bağlı paylaşım edib: “Hər zaman Azərbaycanın yanındayıq”

“Qarabağı işğaldan azad edən Can Azərbaycanın böyük zəfərinin üçüncü ildönümünü qürur və coşqu ilə təbrik edirik”.

Polise.az  xəbər verir ki, bunu Türkiyənin keçmiş xarici işlər naziri, Türkiyənin NATO Parlament Assambleyasındakı (PA) nümayəndə heyətinin rəhbəri, Türkiyə Böyük Millət Məclisinin deputatı Mövlud Çavuşoğlu 8 Noyabr- Zəfər Günü münasibətilə “X” hesabında yazıb.

O, Azərbaycan dövləti və xalqını təbrik edib: “Əziz şəhidlərimizi rəhmətlə anıram. Qəhrəman hərbçilərimizə, qazilərimizə minnətdarıq. Tək millət, iki dövlət olaraq hər zaman Azərbaycanın yanındayıq”.

Polise.az