Aİ-nin Rusiyaya qarşı yeni sanksiyalarının təfərrüatları məlum olub
Avropa İttifaqı Rusiyaya qarşı yeni sanksiyalar paketi hazırlayır və bu sanksiyalara həmçinin Rusiya qızılına məhdudiyyətlər də daxildir.
Bu barədə “Bloomberg” məlumat yayıb.
Bundan əlavə, yeni paket çərçivəsində Kalininqrada yüklərin tranzitinə dair qaydalarda düzəlişlər edilə, o cümlədən texnologiyanın ixracına və rus iş adamlarına qarşı məhdudiyyətlər genişləndiriləcək.
“Bloomberg”in mənbələrə istinadən məlumatına görə, Avropa İttifaqı həmçinin Rusiya qızılına qarşı sanksiyalar da daxil olmaqla yeni sanksiyalar hazırlayır.
Rusiya dünyanın ikinci ən böyük qızıl istehsal edən ölkəsidir və ölkədən qızıl ixracı 12,6 milyard funt sterlinq (800 milyard rubldan çox, 15,2 milyard dollar) təşkil edir. G7 ölkələrinin ardınca Avropa Şurasının Prezidenti Şarl Mişel də ötən həftə Rusiya qızılının Aİ-yə idxalına mümkün məhdudiyyət qoyulacağını açıqlayıb.
Yeni sanksiyalar paketi üçün hazırlıqlar davam edir və təsdiq üçün Aİ-yə üzv dövlətlərə təqdim edilməzdən əvvəl bəzi ölkələr təkliflərə əlavə tədbirlərin əlavə edilməsi ilə bağlı təkliflərdə israr edəcək.
