Avropa İttifaqı Ermənistanın sərhəddə törətdiyi təxribata münasibət bildirib

12 Yanvar 2022

Avropa İttifaqı (Aİ) Ermənistanın sərhəddə törətdiyi təxribata münasibət bildirib.

Qurumun Cənubi Qafqaz üzrə xüsusi nümayəndəsi Toyvo Klaar bununla bağlı “Twitter”də yazıb.

“Avropa İttifaqı Ermənistan və Azərbaycanla işləməyə, iki ölkə arasında sərhədlərin delimitasiya və demarkasiyası ilə bağlı əlavə dəstək verməyə hazır olduğunu bir daha bəyan edir. Ermənistan-Azərbaycan sərhədində insidentlərin və itkilərin yenidən baş verməsi ilə bağlı xəbərlərdən dərin narahatlıq keçirir. Tərəflər üçün gərginliyin azaldılması və mövcud mexanizmlərdən, xüsusilə də 2021-ci ilin noyabrında Aİ-nin himayəsi altında iki ölkənin Müdafiə nazirlikləri arasında yaradılan qaynar xətdən tam istifadə edilməsi vacibdir”, – o qeyd edib.

Deeply worried by reports of renewed incidents and casualtieson the 🇦🇲🇦🇿 border. Important for the sides to de-escalate and make full use of available mechanisms, in particular the hotline between MoDs established under EU auspices in November 2021.
— Toivo Klaar (@ToivoKlaar) January 12, 2022