Azərbaycan Müdafiə Nazirliyi Qarabağda ermənilər arasında atışma haqda – “Əvvəl sərxoş olublar, sonra partlayış olub…”
Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstələri arasında atışma baş verib.
Bu barədə Azərbaycan Müdafiə Nazirliyindən bildirilib.
“Əvvəlcə qarşı tərəfin bir neçə sərxoş silahlısı digər yoldaşları ilə əlbəyaxa olub. Sonra onların olduqları yerdə partlayış müşahidə edilib.
İlkin ehtimala görə, atışma nəticəsində qarşı tərəfdən ölən və yaralananlar var.
Bildiririk ki, baş vermiş hadisəyə Azərbaycan Ordusunun heç bir aidiyyəti yoxdur”, – nazirlikdən bildirilib.
