Azərbaycanda sutka ərzində koronavirusdan 714 yeni yoluxma qeydə alındı
Azərbaycanda koronavirusa (COVID-19) 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb.
Nazirlər Kabineti yanında operativ qərargahdan verilən məlumata görə, yeddi nəfər COVID-19-dan vəfat edib.
Aktiv xəstə sayı 5503 nəfərdir.
Ölkədə son sutka ərzində 9072, hazırkı dövrədək isə 1250736 test aparılıb.
Ümumi ölənlərin sayı 642 nəfərdir.
Ümumi yoluxanların sayı 46593 nəfər, ümumi sağalanların sayı 40448 nəfərdir.
