Bakıda tapança satmaq istəyən şəxs saxlanıldı

Paytaxtın Nəsimi rayonunda “Makarov” markalı tapança satmaq istəyən şəxs saxlanılıb.

Polise.az DİN-in mətbuat xidmətinə istinadla xəbər verir ki, 19-cu polis şöbəsinə əvvəllər məhkum olunmuş paytaxt sakini İlqar Əliyevdə silah olması barədə əməliyyat məlumatı daxil olub. Həmin şəxs saxlanılıb və onun üzərinə baxış zamanı 1 ədəd“Makarov” markalı tapança, 4 ədəd patron və sandıqça aşkar edilərək götürülüb.

İlqar Əliyev odlu silah-sursatı bir neçə ay bundan əvvəl əldə etdiyini, lakin polisə təhvil verməyərək satmaq məqsədi ilə özündə saxladığını bildirib.