DİN Şahbaz Xuduoğlunun iddialarına münasibət bildirib

Polis əməkdaşları Bakıda “Qanun” nəşriyyatında karantin qaydalarına əməl edilib-edilməməsi ilə bağlı yoxlama aparıb.

Nəşriyyatın direktoru Şahbaz Xuduoğlu buna etiraz edib.

O, polisin bu cür yoxlama aparmasını qanunsuz hesab edib.

DİN-in Mətbuat xidmətinin rəisi, polis polkovniki Ehsan Zahidov “Report”a açıqlamasında deyib ki, burada qanunsuz nəsə yoxdur:

“Xüsusi karantin rejiminə nəzarət 5 aydır ki, polis əməkdaşları və Daxili Qoşunalrın hərbi qulluqçuları tərəfindən həyata keçirilir.

Nazirlər Kabineti yanında Operativ Qərargahın qərarları ilə bütün qapalı məkanlarda, sərnişin avtobuslarında və digər yerlərdə insanların tibbi maskadan istifadə etməsinə, ara məsafəsinin saxlanmasına nəzarəti həyata keçirən polis əməkdaşları bütün qapalı məkanlara daxil olaarq qaydalara riayət edilib-edilmədiyini yoxlayır və qanunvericilkdə nəzərdə tutulmuş müvafiq  tədbirlər görür. 

Şahbaz Xuduoğlunun rəhbər olduğu nəşriyyat da qapalı məkandır və kifayət qədər insan işləyir. Polis əməkdaşları da Nazirlər Kabineyinin qərarına uyğun olaraq vəzifəsinin icrasını təmin etmək məqsədilə həmin məkana daxil olub və qaydalara riayət edib-etməmələrini yoxlayıb və öz tövsiyələrini verərək, oranı tərk ediblər. Ancaq Şahbaz Xuduoğlu Nazirlər Kabinetinin qərarlarını bilərəkdən və ya bilməyərəkdən polis əməkdaşlarının onun nəşriyyatına qanunsuz gorməkdə günahlandırır. Ancaq bu, belə deyil, polis əməkdaşları sırf öz xidməti vəzifələrini yerinə yetiriblər”.

Mənbə
report.az
Hamısını Göstər

Related Articles

Sizin Üçün Seçilmiş

Close
Back to top button
Close