Həkimlər xəstələrinin yanına uçaraq gedə biləcəklər 

Böyük Britaniyada tibb işçiləri artıq xəstələrin yanına uçaraq gedə biləcəklər. Bunun üçün onlara xüsusi raketli kostyum hazırlanıb.

Bu barədə “Haber Global” məlumat verib.

Kostyumun sınağının uğurlu olduğu vurğulanıb. Yeni layihə səhiyyə işçilərinə xüsusən ucqar məntəqələrdə yaşayan xəstələrin yanına qısa müddət ərzində çatmağa imkan verəcək.

Bunun üçün tibb işçilərinə xüsusi uçuş təlimi keçiləcək.