Paşinyan Qarabağdakı məğlubiyyətdən danışdı: “Bu illər ərzində çox səhvlər etdik”

“Bu illər ərzində çox səhvlər etdik. Bu səhvlər sistemli və konseptual idi”.

Erməni mediasına istinadən xəbər verilir ki, bu sözləri Ermənistanın Baş naziri Nikol Paşinyan Qarabağ savaşından danışarkən bildirib. 

O əlavə edib ki, illər ərzində edilən səhvlər bütün dövlət qurumlarının ciddi problemlərlə üzləşməsinə gətirib çıxarıb. 

Paşinyan daha sonra bildirib ki, Qarabağ müharibəsində məğlubiyyəti şərtləndirən bütün amillər araşdırılmalıdır. 

Onun sözlərinə görə, Qarabağla başladılan mexanizmi dayanırmağa vaxt yoxdur. Baş nazir əlavə edib ki, müharibədən artıq 40 gün ötüb və bu, ermənilər üçün ağır nəticələrə səbəb olub.

Baş nazir kimi fəaliyyətinə gəlincə, Paşinyan qeyd edib ki, nə ilə qarşılacağını başa düşdü və mövcud reallığı dəyişməyə çalışdı.

“Bütün bunların nəticəsi olaraq böyük bir sual ortaya çıxdı: bundan sonra nə etməliyik? Bundan sonra necə yaşayacağıq və məqsədimiz nə olacaq? Niyə hər şey bu şəkildə oldu? Əlbəttə ki, baş verənlərə görə məsuliyyəti öz üzərimə götürdüm.  Lakin mən deyə bilmərəm ki, “günah keçisi” qəzəb və qəzəbi ifadə etmək üçün yaxşıdırsa, o zaman baş verənləri dərindən və bütöv başa düşmək baxımından faydasızdır”, – deyə o vurğulayıb.Açar sözlər