Qəbələ rayonundan qardaş Türkiyəyə növbəti yardım yola salınıb

Fevralın 6-da qardaş Türkiyədə baş vermiş və böyük dağıntılara, on minlərlə insan itkisinə səbəb olmuş güclü zəlzələdən zərərçəkənlərə yardım aksiyasına Qəbələ rayonu da qoşulub.

İcra hakimiyyətindən AZƏRTAC-ın bölgə müxbirinə bildirilib ki, fevralın 13-də rayon icra hakimiyyəti tərəfindən 4 TIR humanitar yardım Türkiyəyə yola salınıb. Qardaş yardımına zəlzələ bölgəsində daha çox ehtiyac duyulan elektrik generatorları və içməli su daxildir.