Üçüncü doza vaksin ilk növbədə kimlərə vurulacaq? – Açıqlama
“Üçüncü doza (buster) vaksin gücləndirici peyvənddir. Əlbəttə ki, onun kifayət qədər lazımlı olduğu öz təsdiqini tapıb”.
APA-nın xəbərinə görə, bunu jurnalistlərə açıqlamasında səhiyyə nazirinin müavini Viktor Qasımov bildirib.
O deyib ki, onu vurdurandan sonra immunitet xeyli artır:
“Ona görə tövsiyə etmişik ki, ilk növbədə 50 yaşdan yuxarı əhali və risk qrupuna daxil olanlar bu dozanı vurdursunlar. Növbəti mərhələdə digər əhali kontingenti də buna cəlb olunacaq”.
