İran Prezidenti Pezeşkyan Putinlə görüşmək üçün Kremlə gəlib – VİDEO

İran Prezidenti Məsud Pezeşkianın Moskvaya səfəri zamanı nümayiş etdirdiyi qeyri-adi jest sosial şəbəkələrdə müzakirələrə səbəb olub.

Polise..az  İran və digər xarici mediaya istinadla verir ki, yayılan görüntülərdə Pezeşkianın Kremlə gəlişi zamanı rusiyalı mərasim zabitinin qarşısında ayağını yerə möhkəm vurduğu görünür. Zabitin isə bu hərəkətə təbəssümlə reaksiya verdiyi bildirilir.

Hələlik Pezeşkianın bu jesti hansı məqsədlə etdiyi və onun xüsusi məna daşıyıb-daşımadığı barədə rəsmi açıqlama verilməyib. Hadisənin sosial şəbəkələrdə diqqət çəkməsinə baxmayaraq, görüntülərdəki hərəkətin səbəbi ilə bağlı yayılan ehtimalları təsdiqləyən məlumat yoxdur.

Qeyd edək ki, Pezeşkian oktyabrın 26-da Rusiyaya səfər edib. O, oktyabrın 27-də Moskvada keçirilən Qaz İxrac Edən Ölkələr Forumunun (GECF) dövlət və hökumət başçılarının VIII Zirvə Görüşündə iştirak edib.

Səfər çərçivəsində İran prezidenti rusiyalı həmkarı Vladimir Putinlə də görüşüb. Kremlin yaydığı məlumata görə, tərəflər ikitərəfli əməkdaşlığı, regional vəziyyəti və qarşılıqlı maraq doğuran məsələləri müzakirə ediblər.

“Reuters Connect” və “Anadolu” agentliyinin materialları da Pezeşkianın Moskvaya gəlişini və Putinlə görüşünü təsdiqləyir. Bununla belə, sözügedən jestin səbəbi ilə bağlı həmin materiallarda ayrıca izah yer almır.