iyulun 9-da və 10-da baş verən yol qəzaları

İyulun 9-da saat 7 radələrində Sabunçu qəsəbəsi ərazisində Bakı şəhər sakini M.Həşimov idarə etdiyi “Volkswagen” markalı avtomobillə paytaxt sakini İsmət Hümbətovanı vurub. Nəticəsə xəsarətlə xəstəxanaya yerləşdirilən piyada orada ölüb.
Sabunçu Rayon Polis İdarəsində araşdırma aparılır.

***

İyulun 9-da saat 15 radələrində Quba rayonunun Digah kəndi ərazisində rayon sakini R.Əliyev idarə etdiyi “VAZ-2107” markalı avtomobillə yolu keçən Kamilə Novruzovanı vurub və nəticədə piyada hadisə yerində ölüb.
Quba Rayon Polis Şöbəsində araşdırma aparılır.

***

İyulun 9-da saat 20 radələrində Göyçay rayonunun Alıkənd kəndi ərazisində Bakı şəhər sakini Z.Məmmədli idarə etdiyi “Toyota” markalı avtomobillə velosiped sürən kənd sakini Şamil Mahmudovu vurub. Nəticəsə xəsarətlə xəstəxanaya yerləşdirilən Ş.Mahmudov orada ölüb.
Göyçay Rayon Polis Şöbəsində araşdırma aparılır.

***

İyulun 10-da saat 20 radələrində Sumqayıt şəhəri Yaşma bağlar sahəsində Bakı şəhər sakini Ü.Əhmədli idarə etdiyi “Hyundai” markalı avtomobillə yolu keçən Şabran rayon sakini Xudabaxış Tacəhmədovu vurub və nəticədə piyada hadisə yerində ölüb.
Baş İstintaq və Təhqiqat İdarəsi tərəfindən araşdırma aparılır.

***

İyulun 10-da saat 21 radələrində Neftçala rayonununn Qaravəlli kəndi ərazisində rayon sakini Sərxan Əsədli idarə etdiyi “Mercedes” markalı avtomobili aşırıb. Nəticədə xəsarətlə xəstəxanaya yerləşdirilən sürücü ölüb.
Neftçala Rayon Polis Şöbəsində araşdırma aparılır.

***

İyulun 11-də saat 1 radələrində Masallı rayonunun Təzə Alvadı kəndi ərazisində Cəlilabad rayon sakini K.Zaidov idarə etdiyi “Mercedes” markalı avtomobillə yolun kənarı ilə gedən kənd sakini Vəfadar Paşazadəni vurub və nəticədə piyada hadisə yerində ölüb.
Masallı Rayon Polis Şöbəsində araşdırma aparılır.