Stoltenberq, Lyayen və Şarl Mişel görüşdü
NATO-nun Baş katibi Yens Stoltenberq Avropa İttifaqının Prezidenti Ursula fon der Lyayen və Avropa Şurasının rəhbəri Şarl Mişellə görüşüb.
“Qafqazinfo” xarici KİV-ə istinadən xəbər verir ki, görüş NATO-nun mənzil-qərargahında baş tutub.
NATO-nun Baş katibi Stoltenberq görüşlə bağlı fikirlərini bildirib:
“NATO ilə Avropa İttifaqı arasındakı tərəfdaşlığı növbəti səviyyəyə çıxarmaqda qərarlıyıq. Finlandiya və İsveç NATO-nun tamhüquqlu üzvü olduqda NATO-Aİ tərəfdaşlığı daha da vacib olacaq və onların iştirakı ilə NATO Avropa İttifaqı vətəndaşlarının 96 faizini və öz ərazisinin daha çox hissəsini əvvəlkindən daha çox müdafiə edəcək”.
“Putin NATO-nun daha zəif olmasını istəyirdi. Amma bunun əksi oldu. Bu, daha çox NATO və Aİ tərəfindən əldə edildi”,- deyə Avropa Şurasının rəhbəri Şarl Mişel bildirib.
Avropa İttifaqının Prezidenti Ursula fon der Lyayen görüşlə bağlı fikirlərini ifadə edib:
“Rusiyanın Ukraynaya qarşı müharibəni başladıqdan sonra Aİ-NATO əməkdaşlığımız daha da güclənib. Bu gün biz yeni Birgə Bəyannamə ilə əməkdaşlığımızı növbəti səviyyəyə qaldırırıq. Biz mükəmməl əməkdaşlığımızı dərinləşdirəcək və genişləndirəcəyik”.
