Xocavənd qəsəbəsində 200-dən çox ağac əkilib
Xocavənd Rayon İcra Hakimiyyəti və YAP Xocavənd rayon təşkilatı tərəfindən Ulu Öndər Heydər Əliyevin 100 illiyi münasibətilə ağacəkmə aksiyası keçirilib.
Polisə.az-ın bölgə müxbiri xəbər verir ki, aksiyada rayon icra hakimiyyətinin, YAP rayon təşkilatının, hüquq mühafizə orqanlarının rəhbərləri, rayon ictimaiyyətinin nümayəndələri, qazilər iştirak ediblər. Aksiya zamanı Xocavənd qəsəbəsində 200-dən çox meyvə ağacı əkilib. Yeni əkilmiş ağaclara aqrotexniki qulluq göstərilib.
