MM Heydər Əliyevin 100 illiyi ilə əlaqədar yubiley medalının təsis edilməsini təsdiqləyib

Milli Məclis “Heydər Əliyevin 100 illiyi (1923-2023)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” qanununda dəyişiklik edilməsi barədə qanun layihəsini birinci oxunuşda təsdiq edib.

Polise.az xəbər verir ki, məsələ parlamentin bugünkü plenar iclasında ilk oxunuşda müzakirəyə çıxarılıb.

Qeyd olunub ki, “Azərbaycan Respublikasının orden və medallarının təsis edilməsi haqqında” qanunun 2-ci maddəsinə “Vətən Müharibəsi Qəhrəmanı” medalı hissəsindən əvvəl “Heydər Əliyevin 100 illiyi (1923-2023)” Azərbaycan Respublikasının yubiley medalı məzmunda yeni hissə əlavə edilir.

Layihə səsverməyə çıxarılaraq I oxunuşda qəbul edilib.