Albaniyada “Azərbaycan həftəsi” keçiriləcək
Azərbaycan Respublikasının Mədəniyyət Nazirliyinin rəsmi nümayəndə heyəti Albaniyada keçiriləcək “Azərbaycan həftəsi”ndə iştirak etmək üçün paytaxt Tiranaya yola düşür.
Polise.az xəbər verir ki, mədəniyyət həftəsi çərçivəsində Azərbaycanın zəngin mədəniyyəti və incəsənətinin inciləri Albaniya ictimaiyyətinə təqdim olunacaq, Ulu Öndər Heydər Əliyevin 100 illiyinə həsr edilmiş sərgi, qala-konsert, “Natiq” ritm qrupunun çıxışı və rəqs proqramları, “Arşın mal alan” filminin nümayişi keçiriləcək.
Həmçinin Mədəniyyət Nazirliyi nümayəndələri və Albaniya Hökuməti rəsmiləri arasında bir sıra görüşlərin keçirilməsi nəzərdə tutulub.
Polise.az