Ara Ayvazyan: “Türkiyə bölgədə iştirakını həddindən artıq aktivləşdirib”
“44 günlük müharibə bitdikdən sonra həm regional oyunçular, həm də böyük güclər tərəfindən bölgənin yenidən bölüşdürülməsi prosesi gedir”.
Bunu Ermənistan xarici işlər naziri Ara Ayvazyan parlamentin Avrasiya inteqrasiyası üzrə daimi komissiyasında çıxış edərkən bildirib.
Onun sözlərinə görə, bu proseslər hələ tam başa çatmayıb, ona görə də bu mərhələdə bölgədəki müəyyən reallıqlar və hadisələrə son qiymət vermək hələ tezdir. “Buna baxmayaraq, bu gün Rusiyanın hazırda atəşkəsin qorunması, sülhün qorunması və humanitar məsələlərin həllində bölgədə əsas rol oynadığını deyə bilərik”.
Bununla yanaşı, nazir qeyd edib ki, Türkiyə regional proseslərdə aktiv iştirakını həddindən artıq artırıb.
