Binəqədidə icra məmurunun döyülməsi ilə bağlı cinayət işi başlanıb

İyunun 9-da ədalət mühakiməsinin həyata keçirilməsi ilə əlaqədar Ədliyyə Nazirliyinin Binəqədi rayon İcra və Probasiya Şöbəsinin icra məmuru Faiq Əkbərova zor tətbiq edilməsi faktı ilə bağlı Binəqədi rayon prokurorluğunda araşdırma aparılıb. 

Bu barədə Binəqədi rayon prokurorluğundan məlumat verilib.

Bildirilib ki, araşdırma zamanı müəyyən olunub ki, Binəqədi rayon məhkəməsinin qətnaməsinin icrası ilə əlaqədar mənzildə əmlakın siyahıya alınması zamanı borclu – Bəhruz Camalov icra məmuru Faiq Əkbərova qarşı zorakılıq hərəkətləri tətbiq edib.

Fakta görə rayon prokurorluğunda Cinayət Məcəlləsinin 288.3-cü (ədalət mühakiməsinin və ya ibtidai istintaqın həyata keçirilməsi ilə əlaqədar həyat və ya sağlamlıq üçün təhlükəli olmayan zor tətbiq edilməsi) maddəsi ilə cinayət işi başlanılıb.

Məlumatlara görə, Binəqədi rayon icra və probasiya şöbəsinin əməkdaşı Faiq Əkbərov səlahiyyətləri çərçivəsində qanuni tələblər irəli sürərkən döyülüb. 

İlkin məlumatlara görə, 2016-cı il tarixli məhkəmə qərarına əsasən, vətəndaşın “Mətanət-A” şirkətinə 8000 manat borcu olub. İcra məmuru borcun ödətdirilməsini təmin etmək üçün borclu olan şəxsin evinə əmlakları siyahıya almaq üçün gedib. Bu zaman borclu şəxs tərəfindən döyülüb.

Hazırda iş üzrə istintaq davam etdirilir.

Hamısını Göstər

Related Articles

Back to top button