Düşməni məhv edən hərbçilərimizlə tanışlıq davam edir
Müdafiə Nazirliyi qəhrəman hərbçilərimizi xalqa tanıtmaqda davam edir.
Belə hərbçilərdən biri Azərbaycan Silahlı Qüvvələrinin zabiti leytenant Salmanov Fəqan Rzalı oğludur. Döyüş meydanında şəxsi bacarığı ilə seçilən hərbi qulluqçunun verdiyi dəqiq hesablamalar ilə çox sayda hədəflər məhv edilib.
Müddətdən artıq xidmət edən hərbi qulluqçu Həsənov Novruz Muxtar oğlu da verilən döyüş tapşırığının öhdəsindən layiqincə gəlib. Top komandiri olaraq dəqiq atəşlə düşmənin üç ədəd KS-19 topunu məhv edib.
