Ermənilər ABŞ səfirini ölkədən qovmaq istəyirlər: “Treysi, get!”
Ermənistan paytaxtında keçirilən “Erməni demokratiyası” forumu aksiyalar təşkil edən müxalifət nümayəndələrinin narazılığına səbəb olub.
Forumda Ermənistanın baş naziri Nikol Paşinyanla ABŞ-ın bu ölkədəki səfiri Linn Treysi də iştirak ediblər. Müxalifət və müxalifətə yaxın media nümayəndələri isə foruma buraxılmayıblar.
Bundan sonra forumun keçirildiyi bina qarşısına toplaşan aksiyaçılar: “Treysisiz Ermənistan!”, “Treysi, get!” şüarları səsləndiriblər.