İrandan Ermənistana silah daşınmasını əks etdirən görüntülər yayılıb

Ötən gün sosial şəbəkələrdə İran ərazisindən Ermənistana silah daşınmasını əks etdirən videomateriallar yayılıb.

Materiallarda soydaşlarımız tərəfindən buna etiraz olaraq dünən gecə saatlarında daşınmanı həyata keçirən həmin yük avtomobillərinin yandırıldığı bildirilir.

Azərbaycan ictimaiyyəti də bu kimi halların qonşuluq, dostluq münasibətlərinə, İslam həmrəyliyi prinsiplərinə zidd olduğu barədə fikirlər irəli sürüb.